నరసరావుపేటలో విషాదం.. కుటుంబమంతా ఆత్మహత్య

నరసరావుపేటలో దారుణ ఘటన చోటుచేసుకుంది. భోపాల్ ఎయిమ్స్‌లో వైద్యుడిగా పనిచేస్తున్న సాతులూరు చెందిన గోపి తన కుటుంబంతో కలిసి ఒక లాడ్జిలో ఆత్మహత్యకు పాల్పడ్డారు. కుటుంబంలో ఉన్న 3 ఏళ్ల చిన్నారి బ్రెయిన్ సంబంధిత వ్యాధితో బాధపడుతుండటంతో తీవ్ర మనస్తాపానికి గురై ఈ నిర్ణయం తీసుకున్నట్లు సమాచారం.

ఈ ఘటనలో తల్లీ, కూతురు నిన్ననే మృతి చెందగా, గోపి నేడు చికిత్స పొందుతూ మృతి చెందినట్లు తెలుస్తోంది. ఒకే కుటుంబానికి చెందిన ముగ్గురు ప్రాణాలు కోల్పోవడంతో స్థానికంగా విషాదం నెలకొంది. పోలీసులు కేసు నమోదు చేసి దర్యాప్తు చేస్తున్నారు.