హాల్దియా పెట్రోకెమికల్స్ పైప్‌లైన్‌లో భారీ అగ్నిప్రమాదం

పశ్చిమ బెంగాల్‌లోని హాల్దియాలో భారీ అగ్నిప్రమాదం చోటుచేసుకుంది. హాల్దియా పెట్రోకెమికల్స్‌కు చెందిన నాఫ్తా పైప్‌లైన్‌లో మంగళవారం తెల్లవారుజామున మంటలు చెలరేగడంతో తీవ్ర భయాందోళనలు నెలకొన్నాయి. ఈ ఘటనలో సుమారు 20 మంది గాయపడినట్లు అధికారులు తెలిపారు. మంటలను అదుపులోకి తీసుకురావడానికి 12 అగ్నిమాపక వాహనాలు నిరంతరం శ్రమిస్తున్నాయి. ప్రమాద తీవ్రత దృష్ట్యా స్థానిక యంత్రాంగం అత్యవసర చర్యలు చే సమాచారం ప్రకారం, మంగళవారం ఉదయం సుమారు నాలుగు గంటల సమయంలో హాల్దియా పెట్రోకెమికల్స్ నాఫ్తా పైప్‌లైన్‌లో ఒక్కసారిగా పేలుడు సంభవించింది. భారీ శబ్దంతో జరిగిన ఈ పేలుడు స్థానిక ప్రజలను ఉలిక్కిపడేలా చేసింది. పేలుడు జరిగిన కొద్ది క్షణాల్లోనే మంటలు వేగంగా వ్యాపించి హాల్దియా మున్సిపాలిటీ పరిధిలోని చిరంజీవ్‌పూర్ ప్రాంతానికి చేరుకున్నాయి. మంటలు వేగంగా వ్యాపించడంతో సమీపంలోని నివాస ప్రాంతాలు కూడా ప్రభావితమయ్యాయి. పట్టింది స్థానికుల కథనం ప్రకారం, మొదట భారీ పేలుడు శబ్దం వినిపించిందని, అనంతరం ఆకాశాన్ని తాకేలా మంటలు ఎగసిపడ్డాయని తెలిపారు. నిద్రలో ఉన్న ప్రజలు ఒక్కసారిగా భయంతో ఇళ్ల నుంచి బయటకు పరుగులు తీశారు. కొన్ని ఇళ్లకు మంటలు అంటుకోవడంతో కుటుంబాలు తమ విలువైన వస్తువులను కూడా తీసుకురాలేక ప్రాణాలు కాపాడుకునేందుకు బయటకు వచ్చాయి. తెల్లవారుజామున జరిగిన ఈ ఘటనతో మొత్తం ప్రాంతం గందరగోళానికి గురైంది.

ప్రమాదంలో గాయపడిన వారిలో స్థానిక నివాసితులు, కార్మికులు ఉన్నట్లు సమాచారం. గాయపడిన వారిని సమీప ఆసుపత్రులకు తరలించి చికిత్స అందిస్తున్నారు. కొందరికి కాలిన గాయాలు కాగా, మరికొందరు పొగ కారణంగా శ్వాస తీసుకోవడంలో ఇబ్బందులు ఎదుర్కొన్నట్లు అధికారులు తెలిపారు. వైద్య బృందాలు అప్రమత్తంగా ఉండి బాధితులకు చికిత్స అందిస్తున్నాయి.