బిగ్ బాస్ 10పై యంగ్ హీరోయిన్ షాకింగ్ కామెంట్

ప్రస్తుతం Bigg Boss Telugu 10 సీజన్‌పై సోషల్ మీడియాలో భారీ చర్చ నడుస్తోంది. సెలబ్రిటీలు ఎవరు హౌస్‌లోకి వెళ్తారన్న అంశంపై అభిమానుల్లో ఆసక్తి పెరుగుతోంది. ఈ నేపథ్యంలో టాలీవుడ్ యంగ్ హీరోయిన్ దివిజ ప్రభాకర్ బిగ్ బాస్ ఆఫర్‌పై చేసిన వ్యాఖ్యలు వైరల్ అవుతున్నాయి.

ఓ కార్యక్రమంలో పాల్గొన్న దివిజ ప్రభాకర్ మాట్లాడుతూ, తనకు బిగ్ బాస్ హౌస్‌లోకి వెళ్లే ఉత్సాహం లేదని స్పష్టం చేశారు. “అంత పెద్ద షోకి వెళ్లే ఓపిక నాకు లేదు” అంటూ సరదాగా కానీ క్లియర్‌గా స్పందించారు. కెమెరా ముందు ఉండటం తనకు ఇష్టం అయినా, బిగ్ బాస్ లాంటి కఠినమైన షెడ్యూల్ షోలో పాల్గొనడం తనకు సరిపోదని ఆమె అభిప్రాయపడ్డారు.

తన సినీ ప్రయాణం గురించి కూడా ఆమె మాట్లాడారు. చిన్నప్పుడు నటించినా ఆసక్తి లేకపోయిన తాను, కోవిడ్ సమయంలో యూట్యూబ్ ద్వారా కెమెరా ముందు ఉండటం ఇష్టంగా మారిందని తెలిపారు. ఇప్పుడు పూర్తిగా నటనపైనే దృష్టి పెట్టానని చెప్పారు. తండ్రి ప్రభాకర్ మద్దతు తనకు బలం అని పేర్కొన్నారు.

దీంతో బిగ్ బాస్ 10లో ఆమె పాల్గొంటుందన్న ఊహాగానాలకు ఫుల్‌స్టాప్ పడినట్లైంది.