ఆకస్మిక వరదలతో దోడా–కిష్త్వార్ రహదారి దెబ్బతింది

జమ్మూ కశ్మీర్‌లో ఎడతెరిపి లేకుండా కురిసిన భారీ వర్షాలు తీవ్ర విధ్వంసాన్ని సృష్టించాయి. సోమవారం తెల్లవారుజామున కురిసిన భారీ వర్షాల కారణంగా ఆకస్మిక వరదలు సంభవించి, దోడా–కిష్త్వార్ జాతీయ రహదారి తీవ్రంగా దెబ్బతింది. వరదల కారణంగా రహదారిపై మట్టి, రాళ్లు పెద్ద ఎత్తున చేరిపోవడంతో వాహనాల రాకపోకలు పూర్తిగా నిలిచిపోయాయి. దోడా, కిష్త్వార్ జిల్లాల్లో సాధారణ జనజీవనం కూడా తీవ్రంగా ప్రభావితమైంది. నిర్మాణంలో ఉన్న 540 మెగావాట్ల క్వార్ జలవిద్యుత్ ప్రాజెక్టు సమీపంలో పరిస్థితి మరింత ఆందోళనకరంగా మారింది. వరద నీరు, మట్టి ప్రవాహం కారణంగా అక్కడ పార్క్ చేసి ఉన్న అనేక వాహనాలు పూర్తిగా మట్టిలో కూరుకుపోయాయి. కొన్ని వాహనాలు బురదలో పూర్తిగా కనిపించకుండా పోయినట్లు అధికారులు తెలిపారు. సంఘటన జరిగిన వెంటనే సహాయక బృందాలు అక్కడికి చేరుకుని పరిస్థితిని అంచనా వేస్తున్నాయి.

అధికారుల వివరాల ప్రకారం, రాత్రంతా కురిసిన వర్షాలతో కొండ ప్రాంతాల్లో నీటి ప్రవాహం ఒక్కసారిగా పెరిగింది. దీంతో పలు ప్రాంతాల్లో వాగులు ఉప్పొంగి రహదారులపైకి భారీగా నీరు, బురద, రాళ్లు వచ్చాయి. ముఖ్యంగా దోడా–కిష్త్వార్ రహదారిలోని అనేక ప్రాంతాలు తీవ్రంగా దెబ్బతిన్నాయి. రహదారిలోని కొన్ని భాగాలు పూర్తిగా కొట్టుకుపోగా, మరికొన్ని చోట్ల భారీ భూస్ఖలనం చోటుచేసుకుంది.  నిర్మాణంలో ఉన్న 540 మెగావాట్ల క్వార్ జలవిద్యుత్ ప్రాజెక్టు సమీపంలో పరిస్థితి మరింత ఆందోళనకరంగా మారింది. వరద నీరు, మట్టి ప్రవాహం కారణంగా అక్కడ పార్క్ చేసి ఉన్న అనేక వాహనాలు పూర్తిగా మట్టిలో కూరుకుపోయాయి. కొన్ని వాహనాలు బురదలో పూర్తిగా కనిపించకుండా పోయినట్లు అధికారులు తెలిపారు. సంఘటన జరిగిన వెంటనే సహాయక బృందాలు అక్కడికి చేరుకుని పరిస్థితిని అంచనా వేస్తున్నాయి.

క్వార్ జలవిద్యుత్ ప్రాజెక్టు జమ్మూ కశ్మీర్‌లో నిర్మాణంలో ఉన్న కీలక విద్యుత్ ప్రాజెక్టులలో ఒకటి. భారీ వర్షాల కారణంగా ప్రాజెక్టు నిర్మాణ పనులు కూడా తాత్కాలికంగా నిలిచిపోయాయి. నిర్మాణ ప్రాంతంలో భద్రతా చర్యలను మరింత కట్టుదిట్టం చేసినట్లు అధికారులు వెల్లడించారు. అక్కడ పనిచేస్తున్న కార్మికులను సురక్షిత ప్రాంతాలకు తరలించినట్లు సమాచారం.