రేపు పార్లమెంట్ ముందుకు అమరావతి బిల్లు

అమరావతి రాజధానికి చట్టబద్ధత కల్పించే దిశగా కేంద్ర ప్రభుత్వం కీలక ముందడుగు వేసింది. 'ఏపీ పునర్విభజన చట్టం సవరణ బిల్లు–2026'ను రేపు పార్లమెంట్ ముందుకు తీసుకురానున్నట్లు కేంద్ర హోంశాఖ ఇప్పటికే లోక్‌సభ స్పీకర్ కార్యాలయానికి అధికారికంగా సమాచారం అందించింది. ఈ బిల్లును రేపు ఉదయం నిర్వహించనున్న కేంద్ర కేబినెట్ సమావేశంలో చర్చించి ఆమోదించే అవకాశం ఉందని అధికార వర్గాలు తెలిపాయి.

కేబినెట్ ఆమోదం పొందిన వెంటనే కేంద్రమంత్రి నిత్యానందరాయ్ ఈ బిల్లును లోక్‌సభలో ప్రవేశపెట్టనున్నారు. ఈ సవరణ బిల్లుతో అమరావతి రాజధాని అంశానికి సంబంధించి చట్టపరమైన ప్రక్రియను మరింత బలపరచడమే లక్ష్యంగా కేంద్రం ముందుకు సాగుతోంది. దీని ద్వారా రాజధాని నిర్మాణం, అభివృద్ధి కార్యక్రమాలకు స్పష్టత, వేగం లభించే అవకాశం ఉందని భావిస్తున్నారు. ఈ పరిణామం రాష్ట్ర రాజకీయాలు, పరిపాలనపై ప్రభావం చూపే కీలక అడుగుగా నిలుస్తుందని విశ్లేషకులు అభిప్రాయపడుతున్నారు.