అమరావతికి చట్టబద్ధత దిశగా కీలక బిల్లు

ఆంధ్రప్రదేశ్ రాజధాని అమరావతికి పూర్తిస్థాయి చట్టబద్ధత కల్పించే దిశగా కేంద్ర ప్రభుత్వం కీలక చర్య తీసుకుంది. ఏపీ పునర్విభజన చట్టం సవరణ బిల్లు–2026ను లోక్‌సభలో ప్రవేశపెట్టనున్నట్లు కేంద్ర హోంశాఖ ఇప్పటికే స్పీకర్ కార్యాలయానికి సమాచారం అందించింది.

రాష్ట్ర విభజన తర్వాత రాజధాని అంశంపై నెలకొన్న సందిగ్ధతకు ముగింపు పలికేలా ఈ బిల్లు రూపుదిద్దుకుంది. అమరావతికి రాజ్యాంగపరమైన రక్షణ కల్పించడం ద్వారా దీర్ఘకాలిక స్థిరత్వాన్ని అందించడమే ప్రధాన లక్ష్యంగా కేంద్ర ప్రభుత్వం ముందుకు సాగుతోంది.

ఈ బిల్లు పార్లమెంటులో ఆమోదం పొందితే, అమరావతికి చట్టబద్ధ గుర్తింపు మరింత బలపడనుంది. దీంతో రాజధాని అభివృద్ధి, మౌలిక వసతుల ప్రగతి, పెట్టుబడుల ఆకర్షణకు అనుకూల వాతావరణం ఏర్పడే అవకాశముందని విశ్లేషకులు భావిస్తున్నారు.