గోకవరంలో బీజేపీ ఆధ్వర్యంలో మొక్కలు నాటిన నాయకులు

పర్యావరణ పరిరక్షణ ప్రతి ఒక్కరి బాధ్యత అని బీజేపీ నాయకులు పిలుపునిచ్చారు. ప్రధానమంత్రి నరేంద్ర మోదీ స్ఫూర్తితో, బీజేపీ ఆధ్వర్యంలో గోకవరం మండల కేంద్రంలోని జూనియర్ కళాశాల ప్రాంగణంలో మొక్కలు నాటే కార్యక్రమం నిర్వహించారు. ఈ కార్యక్రమంలో నాయకులు, అధ్యాపకులు, విద్యార్థులు కలిసి వివిధ రకాల మొక్కలను నాటారు.

ఈ సందర్భంగా మండల బీజేపీ అధ్యక్షుడు ఇనకోటి బాపన్న దొర మాట్లాడుతూ పెరుగుతున్న కాలుష్యాన్ని నివారించేందుకు విస్తృతంగా మొక్కలు నాటి సంరక్షించడం అవసరమని తెలిపారు. ప్రతి ఒక్కరూ కనీసం ఒక మొక్కను నాటి భావితరాలకు స్వచ్ఛమైన వాతావరణాన్ని అందించేందుకు కృషి చేయాలని కోరారు.

పర్యావరణ సమతుల్యతను కాపాడటం ద్వారా ఆరోగ్యకరమైన భవిష్యత్తును నిర్మించవచ్చని ఆయన పేర్కొన్నారు. ప్రతి విద్యార్థి ఒక మొక్కను నాటి దాని సంరక్షణ బాధ్యత తీసుకోవాలని సూచించారు. మాతృమూర్తికి వందనం కార్యక్రమంలో భాగంగా మండల వ్యాప్తంగా మొక్కలు నాటే కార్యక్రమాలు చేపడుతున్నట్లు తెలిపారు.

ఈ కార్యక్రమంలో బీజేపీ రాష్ట్ర, జిల్లా నాయకులు, సీనియర్ నేతలు, అధికారులు, కళాశాల అధ్యాపకులు, విద్యార్థులు పాల్గొన్నారు. పర్యావరణ పరిరక్షణలో ప్రతి ఒక్కరూ భాగస్వాములు కావాలని నాయకులు కోరారు.