కుళాయి తిప్పితే నీళ్లు.. నాబ్ తిప్పితే గ్యాస్: సీఎం చంద్రబాబు

ప్రతి ఇంటికీ పైప్డ్ నేచురల్ గ్యాస్ (PNG) కనెక్షన్ అందించాలన్న లక్ష్యంతో ప్రభుత్వం ముందుకు సాగుతోందని సీఎం చంద్రబాబు తెలిపారు. కుళాయి తిప్పితే నీళ్లు వచ్చినట్లే, స్టవ్ నాబ్ తిప్పితే గ్యాస్ అందే విధంగా సౌకర్యం కల్పిస్తామని చెప్పారు. ఈ ప్రాజెక్ట్ ఖర్చును ప్రభుత్వమే భరిస్తుందని, భద్రత పరంగా ఇది మరింత మెరుగైన పరిష్కారమని పేర్కొన్నారు.

దీపం-2 పథకం కింద ప్రస్తుతం అందిస్తున్న నగదు ప్రయోజనాలను కొనసాగిస్తామని తెలిపారు. ప్రజాసేవలో మహిళల భాగస్వామ్యం పెరగాలని సూచించిన ఆయన, భవిష్యత్తులో మహిళా ప్రజాప్రతినిధుల సంఖ్య పెరుగుతుందని ఆశాభావం వ్యక్తం చేశారు. పురుషులు కూడా మహిళలను ప్రోత్సహించాలని పిలుపునిచ్చారు.