ఫిఫా వరల్డ్ కప్ మ్యాచ్‌లు ఉచితంగా చూసే మార్గం ఇదే

ప్రపంచ ఫుట్‌బాల్ అభిమానులు ఆసక్తిగా ఎదురుచూస్తున్న ఫిఫా వరల్డ్ కప్ 2026 ప్రారంభమైంది. ఈ మెగా టోర్నీకి అమెరికా, కెనడా, మెక్సికో దేశాలు సంయుక్తంగా ఆతిథ్యం ఇస్తున్నాయి. ఈసారి టోర్నీలో 48 జట్లు పాల్గొంటుండగా, మొత్తం 104 మ్యాచ్‌లు జరగనున్నాయి. ఫిఫా చరిత్రలో ఇదే అతిపెద్ద ప్రపంచకప్‌గా నిలవనుంది. భారతదేశంలో ఈ టోర్నీ ప్రసార హక్కులను జీ ఎంటర్‌టైన్‌మెంట్ దక్కించుకుంది. దీంతో అభిమానులు జీ5 వేదికగా మ్యాచ్‌లను ప్రత్యక్ష ప్రసారంలో వీక్షించే అవకాశం పొందనున్నారు. అలాగే డీడీ స్పోర్ట్స్‌లో ఎంపిక చేసిన కొన్ని కీలక మ్యాచ్‌లు ప్రసారం కానున్నాయి.

జీ5లో మ్యాచ్‌లను పూర్తిస్థాయిలో వీక్షించాలంటే సాధారణంగా ప్రీమియం సభ్యత్వం అవసరం అవుతుంది. అయితే కొన్ని టెలికాం సంస్థలు అందిస్తున్న ప్రత్యేక రీఛార్జ్ ప్లాన్ల ద్వారా జీ5 సభ్యత్వం ఉచితంగా లభించే అవకాశం ఉంది. అలాంటి ప్లాన్లను ఉపయోగించే వినియోగదారులు అదనపు చార్జీలు చెల్లించకుండా ఫిఫా మ్యాచ్‌లను ఆస్వాదించవచ్చు. టోర్నీలో 48 జట్లను 12 గ్రూపులుగా విభజించారు. లీగ్ దశ అనంతరం అగ్ర జట్లు నాకౌట్ రౌండ్‌కు అర్హత సాధించి టైటిల్ కోసం పోటీపడతాయి.

ఫుట్‌బాల్ ప్రపంచంలోని అగ్ర జట్లు పాల్గొంటున్న ఈ టోర్నీపై ఇప్పటికే భారీ అంచనాలు నెలకొన్నాయి. స్టార్ ఆటగాళ్ల ప్రదర్శనలు, ఉత్కంఠభరిత మ్యాచ్‌లు, కొత్త ఫార్మాట్‌తో ఫిఫా వరల్డ్ కప్ 2026 క్రీడాభిమానులకు మరింత వినోదాన్ని అందించనుంది. టీవీ, మొబైల్, స్మార్ట్ డివైస్‌ల ద్వారా అభిమానులు ఎక్కడి నుంచైనా మ్యాచ్‌లను వీక్షించే అవకాశం ఉండటంతో ఫుట్‌బాల్ జోష్ మరింత పెరిగింది.