స్పెయిన్‌కు భయం లేదు.. కానీ గౌరవం ఉంది: ఫ్రాన్స్

2026 ఫిఫా ప్రపంచకప్ సెమీఫైనల్‌కు ముందు ఫ్రాన్స్ జట్టు ఆత్మవిశ్వాసంతో కనిపిస్తోంది. స్పెయిన్ వంటి బలమైన ప్రత్యర్థిని ఎదుర్కొనేందుకు సిద్ధంగా ఉన్నామని, అయితే వారి సామర్థ్యాన్ని ఏమాత్రం తక్కువగా అంచనా వేయడం లేదని ఫ్రాన్స్ డిఫెండర్ ఇబ్రహిమా కొనాటే స్పష్టం చేశాడు. ప్రపంచకప్‌లో ఇప్పటివరకు అద్భుతమైన ఆటతీరుతో సెమీఫైనల్‌కు చేరుకున్న స్పెయిన్‌పై భయం లేదని, కానీ గౌరవం మాత్రం ఉందని ఆయన పేర్కొన్నాడు

ప్రపంచకప్‌లో స్పెయిన్ ఇప్పటివరకు అత్యంత పటిష్టమైన రక్షణతో ఆకట్టుకుంది. మొత్తం టోర్నమెంట్‌లో కేవలం ఒకే ఒక్క గోల్ మాత్రమే ప్రత్యర్థులకు ఇచ్చిన స్పెయిన్ డిఫెన్స్ ప్రస్తుతం ప్రపంచ ఫుట్‌బాల్‌లో అత్యుత్తమ రక్షణ విభాగాల్లో ఒకటిగా ప్రశంసలు అందుకుంటోంది. బంతిపై నియంత్రణ, క్రమశిక్షణతో కూడిన రక్షణ, వేగవంతమైన పాస్‌లతో స్పెయిన్ ప్రత్యర్థులకు పెద్ద సవాల్‌గా మారింది. ఇదే విషయాన్ని కొనాటే కూడా గుర్తు చేస్తూ, స్పెయిన్ బలాన్ని పూర్తిగా అర్థం చేసుకున్నామని చెప్పాడు.

"ఏ ప్రత్యర్థినైనా భయపడే పరిస్థితి మాకు లేదు. మేము మా ఆటపై దృష్టి పెడతాం. స్పెయిన్ గొప్ప జట్టు, అద్భుతమైన వ్యక్తిగత ప్రతిభ కలిగిన ఆటగాళ్లు వారివద్ద ఉన్నారు. అయితే మేము ఒక్క ఆటగాడిపై మాత్రమే దృష్టి పెట్టం. మొత్తం జట్టును ఎలా ఎదుర్కోవాలనే దానిపైనే మా ప్రణాళిక ఉంటుంది" అని కొనాటే మీడియాతో పేర్కొన్నాడు. ముఖ్యంగా యువ సంచలనం లామిన్ యమాల్ ప్రతిభను కొనియాడినప్పటికీ, ఫ్రాన్స్ మొత్తం జట్టుగా స్పెయిన్‌ను ఎదుర్కొనేందుకు సిద్ధమైందని వెల్లడించాడు