స్పెయిన్‌లో మంటలు అదుపులోకి.. ఫ్రాన్స్‌లో మళ్లీ తరలింపు హెచ్చరిక

యూరప్‌ను వణికిస్తున్న కార్చిచ్చు మంటల మధ్య ఫ్రాన్స్, స్పెయిన్ దేశాల్లో పరిస్థితులు భిన్నంగా కనిపిస్తున్నాయి. స్పెయిన్‌లో అడవి మంటలు కొంతవరకు అదుపులోకి రావడంతో అధికారులు కొన్ని ప్రాంతాల్లో అమల్లో ఉన్న తరలింపు ఆదేశాలను సడలించారు. దీంతో మాడ్రిడ్‌కు పశ్చిమాన ఉన్న అగ్నిప్రమాద ప్రభావిత గ్రామాలు, పట్టణాలకు ప్రజలు తిరిగి వెళ్లడం ప్రారంభించారు. మరోవైపు ఫ్రాన్స్‌లో మాత్రం పరిస్థితి ఇంకా ఆందోళనకరంగానే ఉంది. నైరుతి ఫ్రాన్స్‌ను మరో తీవ్ర ఉష్ణగాలుల ప్రభంజనం తాకనున్న నేపథ్యంలో ఇప్పటికే అదుపులోకి వస్తున్న మంటలు మళ్లీ చెలరేగే ప్రమాదం ఉందని అధికారులు హెచ్చరిస్తున్నారు. దీంతో వేలాది మందిని మరోసారి సురక్షిత ప్రాంతాలకు తరలించాల్సిన పరిస్థితి ఏర్పడే అవకాశం ఉందని పేర్కొన్నారు. ఈ ఏడాది యూరప్‌లో నమోదవుతున్న అసాధారణ ఉష్ణోగ్రతలు, దీర్ఘకాలిక వర్షాభావం కారణంగా అడవులు పూర్తిగా ఎండిపోయాయి. ఫలితంగా చిన్న మంటలు కూడా భారీ కార్చిచ్చుగా మారుతున్నాయి. వాతావరణ మార్పుల ప్రభావంతో ఇటువంటి తీవ్రమైన అటవీ అగ్నిప్రమాదాలు మరింత తరచుగా సంభవిస్తున్నాయని శాస్త్రవేత్తలు హెచ్చరిస్తున్నారు. అడవుల నిర్వహణలో లోపాలు, పొడి వృక్షసంపద పేరుకుపోవడం కూడా మంటలు వేగంగా వ్యాపించడానికి కారణమవుతున్నాయని నిపుణులు విశ్లేషిస్తున్నారు. ఈ ఏడాది యూరప్‌లో నమోదవుతున్న అసాధారణ ఉష్ణోగ్రతలు, దీర్ఘకాలిక వర్షాభావం కారణంగా అడవులు పూర్తిగా ఎండిపోయాయి. ఫలితంగా చిన్న మంటలు కూడా భారీ కార్చిచ్చుగా మారుతున్నాయి. వాతావరణ మార్పుల ప్రభావంతో ఇటువంటి తీవ్రమైన అటవీ అగ్నిప్రమాదాలు మరింత తరచుగా సంభవిస్తున్నాయని శాస్త్రవేత్తలు హెచ్చరిస్తున్నారు. అడవుల నిర్వహణలో లోపాలు, పొడి వృక్షసంపద పేరుకుపోవడం కూడా మంటలు వేగంగా వ్యాపించడానికి కారణమవుతున్నాయని నిపుణులు విశ్లేషిస్తున్నారు