నేపాల్‌లో ఏపీ యాత్రికులపై లోకేష్ సమీక్ష..

అమరావతి: నేపాల్‌లో వరదల్లో చిక్కుకున్న ఆంధ్రప్రదేశ్ యాత్రికుల క్షేమ సమాచారంపై మంత్రి నారా లోకేష్ సమీక్ష నిర్వహించారు. నేపాల్ వరదల్లో చిక్కుకున్న ఏడుగురు ఏపీ యాత్రికుల పరిస్థితిని అడిగి తెలుసుకున్న మంత్రి, వారి భద్రతకు సంబంధించిన వివరాలను అధికారులను నుంచి తెలుసుకున్నారు. యాత్రికుల కుటుంబ సభ్యులకు భరోసా కల్పించేలా సమాచారాన్ని ఎప్పటికప్పుడు సేకరించాలని అధికారులకు సూచించారు. బాధితులందరినీ సురక్షితంగా రాష్ట్రానికి తీసుకురావడమే లక్ష్యంగా ప్రభుత్వం చర్యలు కొనసాగిస్తోంది.

ఏడుగురు ఏపీ యాత్రికుల్లో నలుగురు సురక్షితంగా ఉన్నట్లు ఏపీ ఢిల్లీ భవన్ అధికారులు మంత్రికి వివరించారు. అయితే కుప్పం ప్రాంతానికి చెందిన బాల సుబ్రహ్మణ్యం, ఈషా ఫౌండేషన్ గ్రూప్‌కు చెందిన శశికుమార్, రాజ్యలక్ష్మీల ఆచూకీ ఇంకా లభించలేదని తెలిపారు. దీంతో వారి కుటుంబాల్లో ఆందోళన నెలకొంది. గల్లంతైన ముగ్గురి ఆచూకీని వీలైనంత త్వరగా గుర్తించేందుకు అధికారులు ప్రత్యేక చర్యలు చేపట్టారు.

మిస్సైన ముగ్గురి ఆచూకీని కనుగొనేందుకు కేంద్ర ప్రభుత్వంతో నిరంతరం సంప్రదింపులు జరపాలని మంత్రి నారా లోకేష్ అధికారులను ఆదేశించారు. నేపాల్‌లోని సంబంధిత అధికారులతో సమన్వయం చేసుకుంటూ గాలింపు చర్యలను వేగవంతం చేయాలని సూచించారు. గల్లంతైన వారి వివరాలు, ప్రస్తుత పరిస్థితిపై ఎప్పటికప్పుడు సమాచారం సేకరించి రాష్ట్ర ప్రభుత్వానికి తెలియజేయాలని స్పష్టం చేశారు. వారి ఆచూకీ లభించే వరకు కేంద్ర ప్రభుత్వ యంత్రాంగంతో నిరంతర సమన్వయం కొనసాగించాలని సూచించారు.

మరోవైపు నేపాల్‌లో సురక్షితంగా ఉన్న నలుగురు ఏపీ యాత్రికులను వెంటనే స్వదేశానికి తరలించేందుకు అవసరమైన చర్యలు తీసుకోవాలని ఆర్టీజీఎస్ అధికారులను మంత్రి నారా లోకేష్ ఆదేశించారు. వారికి అవసరమైన రవాణా, ఇతర సహాయ సదుపాయాలను సమకూర్చి వీలైనంత త్వరగా ఆంధ్రప్రదేశ్‌కు తీసుకురావాలని సూచించారు. సురక్షితంగా ఉన్న యాత్రికుల కుటుంబ సభ్యులకు కూడా వారి పరిస్థితిపై ఎప్పటికప్పుడు సమాచారం అందించాలని అధికారులను కోరారు.

నేపాల్‌లో ఆకస్మిక వరదల కారణంగా పలు ప్రాంతాల్లో రవాణా వ్యవస్థ దెబ్బతినడంతో యాత్రికుల తరలింపులో సవాళ్లు ఎదురవుతున్నాయి. ఈ నేపథ్యంలో కేంద్ర ప్రభుత్వం, నేపాల్ అధికారులు, ఏపీ ఢిల్లీ భవన్, ఆర్టీజీఎస్ అధికారుల మధ్య సమన్వయం మరింత పెంచాలని మంత్రి స్పష్టం చేశారు. అత్యవసర పరిస్థితుల్లో ఉన్న ఏపీ ప్రజలకు తక్షణ సహాయం అందేలా అన్ని మార్గాలను వినియోగించాలని సూచించారు.

ఏపీ యాత్రికుల భద్రతపై రాష్ట్ర ప్రభుత్వం ప్రత్యేక దృష్టి సారించింది. ఏడుగురిలో నలుగురు సురక్షితంగా ఉన్నట్లు సమాచారం అందడంతో వారి తరలింపుపై చర్యలు వేగవంతం చేశారు. మరో ముగ్గురి ఆచూకీ కోసం గాలింపు కొనసాగుతోంది. కుప్పం ప్రాంతానికి చెందిన బాల సుబ్రహ్మణ్యంతో పాటు శశికుమార్, రాజ్యలక్ష్మీలను గుర్తించేందుకు కేంద్ర ప్రభుత్వంతో కలిసి చర్యలు చేపట్టాలని మంత్రి నారా లోకేష్ ఆదేశించారు. గల్లంతైన వారి కుటుంబాలకు ప్రభుత్వం అండగా ఉంటుందని భరోసా కల్పిస్తూ, ప్రతి ఒక్కరి క్షేమ సమాచారాన్ని నిరంతరం పర్యవేక్షించాలని అధికారులకు సూచించారు.