రాప్తాడు నియోజకవర్గంలో ఎన్టీఆర్ భరోసా పెన్షన్ల పంపిణీపై ఎమ్మెల్యే మార్గదర్శకాలు

రాప్తాడు ఎమ్మెల్యే పరిటాల సునీతమ్మ గారి ఆదేశాల మేరకు ఎన్టీఆర్ భరోసా పెన్షన్ పంపిణీ కార్యక్రమం నియోజకవర్గ వ్యాప్తంగా అన్ని గ్రామాలలో నిర్వహించబడుతోంది. ఈ నేపథ్యంలో అర్హులైన ప్రతి లబ్ధిదారుడికి పెన్షన్ అందేలా చర్యలు తీసుకోవాలని ఎమ్మెల్యే గారు నాయకులకు, ప్రజాప్రతినిధులకు, పంచాయతీ సెక్రటరీలకు మరియు పంపిణీ బృందాలకు సూచించారు.

ఎల్లో సింగం ప్రతినిధి, రిపోర్టర్ సి. విజయ్ భాస్కర్ సమన్వయంతో ఈ కార్యక్రమం కొనసాగుతోంది. పంపిణీ సమయంలో ఎటువంటి సమస్యలు తలెత్తకుండా జాగ్రత్తలు తీసుకోవాలని, పారదర్శకంగా, సమర్థవంతంగా సేవలు అందించాలని ఎమ్మెల్యే గారు స్పష్టం చేశారు.

ప్రభుత్వం అమలు చేస్తున్న సంక్షేమ పథకాలు ప్రజలకు సక్రమంగా చేరేలా చూడడమే తమ లక్ష్యమని, అర్హులందరికీ సమయానికి లబ్ధి చేకూరేలా ప్రతి ఒక్కరూ బాధ్యతగా పనిచేయాలని సూచించారు. ఈ కార్యక్రమం ద్వారా గ్రామ స్థాయిలో సంక్షేమ సేవలు మరింత బలపడతాయని నాయకులు తెలిపారు.