18 ఏళ్ల బంధానికి ముగింపు.. టామ్ సెగురా దంపతుల విడిపోవు

అమెరికాకు చెందిన ప్రముఖ హాస్యనటులు, పాడ్‌కాస్ట్ హోస్ట్‌లు టామ్ సెగురా మరియు క్రిస్టినా పాజ్‌సిట్జ్కీ (క్రిస్టినా పి) తమ 18 ఏళ్ల వైవాహిక జీవితానికి ముగింపు పలికారనే వార్త అభిమానులను ఆశ్చర్యానికి గురిచేసింది. పలు అంతర్జాతీయ మీడియా కథనాల ప్రకారం, ఈ జంట కొన్ని నెలల క్రితమే పరస్పర అంగీకారంతో విడిపోయింది. అయితే విడిపోవడానికి గల అసలు కారణాన్ని ఇద్దరిలో ఎవరూ ఇప్పటివరకు అధికారికంగా వెల్లడించలేదు అందుబాటులో ఉన్న సమాచారం ప్రకారం, ఈ నిర్ణయం పరస్పర అవగాహనతో తీసుకున్నదేనని, ఎలాంటి బహిరంగ వివాదాలు లేదా ఆరోపణలు లేవని సన్నిహిత వర్గాలు తెలిపాయి. ఇద్దరూ తమ జీవితాల్లో వేర్వేరు మార్గాల్లో ముందుకు సాగాలని నిర్ణయించుకున్నప్పటికీ, తమ ఇద్దరు కుమారుల సంరక్షణలో కలిసి బాధ్యతలు నిర్వర్తించనున్నట్లు సమాచారం.  పాడ్‌కాస్ట్ ప్రపంచవ్యాప్తంగా భారీ ఆదరణ పొందింది. అలాగే ఇద్దరూ కలిసి నిర్మించిన YMH Studios ద్వారా అనేక ప్రముఖ కామెడీ కార్యక్రమాలు, పాడ్‌కాస్ట్‌లను రూపొందించారు. విడిపోయినప్పటికీ తమ వృత్తిపరమైన భాగస్వామ్యాన్ని కొనసాగించే అవకాశముందని నివేదికలు పేర్కొంటున్నాయి.

టామ్ సెగురా, క్రిస్టినా పి 2008లో వివాహం చేసుకున్నారు. వారికి ఇద్దరు కుమారులు ఉన్నారు. తమ కుటుంబ జీవితం, తల్లిదండ్రుల అనుభవాలు, దాంపత్య జీవితంలోని సరదా సంఘటనలను ఇద్దరూ తమ స్టాండ్-అప్ కామెడీ షోలు, పాడ్‌కాస్ట్‌లలో తరచుగా పంచుకునేవారు. ఈ సహజమైన హాస్యశైలి వారిని అభిమానులకు మరింత దగ్గర చేసింది.