మోహన్ చరణ్ మాఝీ సంచలన నిర్ణయం.. కేజీ నుంచి పీజీ వరకు ఉచిత విద్య

ఒడిశా రాష్ట్రంలో విద్యా రంగాన్ని మరింత బలోపేతం చేయడానికి ముఖ్యమంత్రి మోహన్ చరణ్ మాఝీ నేతృత్వంలోని రాష్ట్ర మంత్రివర్గం కీలక నిర్ణయం తీసుకుంది. చిన్నారుల నుంచి ఉన్నత విద్యను అభ్యసించే విద్యార్థుల వరకు ప్రతి ఒక్కరికీ సమాన అవకాశాలు కల్పించాలనే లక్ష్యంతో ‘జ్ఞానోదయ – శిక్షారు సమృద్ధి’ అనే ప్రతిష్ఠాత్మక పథకానికి ఆమోదం తెలిపింది. ఈ పథకం ద్వారా కేజీ నుంచి పీజీ వరకు విద్యను పూర్తిగా ఉచితంగా అందించేందుకు ప్రభుత్వం ముందుకొచ్చింది. 2026–27 విద్యా సంవత్సరం నుంచే ఈ పథకం అమలులోకి రానుంది. విద్య అనేది ప్రతి కుటుంబానికి అత్యంత ముఖ్యమైన అవసరం. అయితే ఆర్థిక పరిస్థితుల కారణంగా అనేక మంది విద్యార్థులు తమ చదువులను మధ్యలోనే నిలిపివేయాల్సి వస్తోంది. ముఖ్యంగా గ్రామీణ ప్రాంతాలు, వెనుకబడిన వర్గాలు, ఆర్థికంగా బలహీన కుటుంబాలకు చెందిన విద్యార్థులు ఉన్నత విద్యను కొనసాగించడంలో ఎన్నో ఇబ్బందులు ఎదు ‘జ్ఞానోదయ – శిక్షారు సమృద్ధి’ పథకం కింద విద్యార్థులు పాఠశాలల్లోనూ, కళాశాలల్లోనూ ప్రవేశం పొందే సమయంలో చెల్లించాల్సిన ప్రవేశ రుసుములను పూర్తిగా మాఫీ చేయనున్నారు. ప్రభుత్వ విద్యాసంస్థలతో పాటు పథక పరిధిలోకి వచ్చే ఇతర విద్యా సంస్థల్లో కూడా విద్యార్థులకు ఈ ప్రయోజనం అందేలా చర్యలు చేపట్టనున్నారు. దీంతో వేలాది కుటుంబాలపై ఉన్న ఆర్థిక భారం గణనీయంగా తగ్గనుంది. ర్కొంటున్నారు. ఈ నేపథ్యంలో విద్యను అందరికీ అందుబాటులోకి తీసుకురావాలనే సంకల్పంతో ఒడిశా ప్రభుత్వం ఈ భారీ నిర్ణయం తీసుకుంది.