కూకట్‌పల్లిలో ఫర్నీచర్ షాప్‌లో అగ్ని ప్రమాదం

హైదరాబాద్ నగరంలోని కూకట్‌పల్లి ప్రాంతంలో ఓ ఫర్నీచర్ షాప్‌లో అగ్ని ప్రమాదం చోటుచేసుకుంది. షార్ట్ సర్క్యూట్ కారణంగా మంటలు చెలరేగినట్లు ప్రాథమికంగా అనుమానిస్తున్నారు. ఒక్కసారిగా మంటలు భారీగా వ్యాపించడంతో స్థానికుల్లో భయాందోళన నెలకొంది. అయితే సమయానికి స్పందించిన కారణంగా ప్రాణనష్టం జరగలేదని అధికారులు తెలిపారు.

అగ్నిప్రమాదం సమాచారం అందుకున్న వెంటనే అగ్నిమాపక సిబ్బంది ఘటన స్థలానికి చేరుకుని మంటలను అదుపులోకి తెచ్చే ప్రయత్నాలు ప్రారంభించారు. భారీ మంటలను అదుపు చేయడానికి ఫైర్ ఇంజన్లు రంగంలోకి దిగాయి. దట్టమైన పొగ కారణంగా పరిసర ప్రాంతాల్లో కొంతసేపు ఆందోళనకర పరిస్థితి నెలకొంది.

షాప్‌లో ఉన్న ఫర్నీచర్, కలప సామగ్రి ఎక్కువగా ఉండటంతో మంటలు వేగంగా వ్యాపించాయని అధికారులు తెలిపారు. పూర్తి వివరాలు ఇంకా తెలియాల్సి ఉంది. ఘటనపై దర్యాప్తు కొనసాగుతోంది.