భూసమస్యలపై బాధితులకు బొండా ఉమా భరోసా

విజయవాడ సెంట్రల్ నియోజకవర్గం సింగ్‌నగర్‌లోని ఎమ్మెల్యే కార్యాలయంలో ప్రభుత్వ విప్, ఎమ్మెల్యే బొండా ఉమామహేశ్వరరావు భూసమస్యలపై బాధితుల నుంచి వినతిపత్రం స్వీకరించారు. ఒకటవ డివిజన్ తెలుగుదేశం పార్టీ అధ్యక్షుడు కొమ్మినేని సురేష్ ఆధ్వర్యంలో 16 మంది బాధిత కుటుంబాల సభ్యులు ఎమ్మెల్యేను కలిసి తమ సమస్యలను వివరించారు. తమకు న్యాయం చేయాలని కోరుతూ వినతిపత్రం అందజేశారు.

బాధిత కుటుంబాలు మాట్లాడుతూ 2004–2005 సంవత్సరాల్లో సర్వే నంబర్ 117/2సీలో చట్టబద్ధంగా ప్లాట్లు కొనుగోలు చేసి గుణదల సబ్‌ రిజిస్ట్రార్ కార్యాలయంలో రిజిస్ట్రేషన్లు పూర్తి చేసుకున్నామని తెలిపారు. కొనుగోలుకు సంబంధించిన అసలు పత్రాలు తమ వద్ద ఉన్నాయని, ఎన్నో ఏళ్లుగా ఆ స్థలాలపై తమకు హక్కులు కొనసాగుతున్నాయని ఎమ్మెల్యే దృష్టికి తీసుకువచ్చారు.

2023, 2026 సంవత్సరాల్లో సంబంధిత అధికారులు తమ పత్రాలను పరిశీలించి 22ఏ జాబితా నుంచి తొలగింపు ప్రక్రియలో తమ హక్కులను గుర్తించినప్పటికీ, కొందరు వ్యక్తులు నకిలీ పత్రాలను ఉపయోగించి తమ స్థలాలను అక్రమంగా ఇతరుల పేర్లపై రిజిస్ట్రేషన్ చేయించారని బాధితులు ఆరోపించారు. చట్టబద్ధంగా కొనుగోలు చేసిన తమ స్థలాల విషయంలో అన్యాయం జరిగిందని ఆవేదన వ్యక్తం చేశారు.

గత మూడు సంవత్సరాలుగా భూ వివాదం కారణంగా తమ కుటుంబాలు తీవ్ర మానసిక, ఆర్థిక ఇబ్బందులు ఎదుర్కొంటున్నాయని బాధితులు తెలిపారు. తమకు ఈ స్థలాలు తప్ప మరే ఇతర ఆధారం లేదని, అక్రమ రిజిస్ట్రేషన్లపై సమగ్ర విచారణ జరిపించి న్యాయం చేయాలని ఎమ్మెల్యే బొండా ఉమామహేశ్వరరావును కోరారు.

బాధితుల నుంచి వినతిపత్రం స్వీకరించిన ఎమ్మెల్యే బొండా ఉమా వారి సమస్యలను పూర్తిగా విన్నారు. అనంతరం సంబంధిత అధికారులతో మాట్లాడి చట్టపరంగా అంశాన్ని పరిశీలించి బాధితులకు న్యాయం జరిగేలా తన వంతు కృషి చేస్తానని హామీ ఇచ్చారు.

ప్రజలకు ఏ సమస్య వచ్చినా ప్రభుత్వం, ప్రజాప్రతినిధులు అండగా ఉంటారని ఎమ్మెల్యే తెలిపారు. అర్హులైన ప్రతి ఒక్కరికీ న్యాయం అందేలా చర్యలు తీసుకుంటామని భరోసా కల్పించారు. భూ సమస్యలు, ఆస్తి వివాదాల విషయంలో అధికారులు పారదర్శకంగా వ్యవహరించి బాధితులకు పరిష్కారం చూపాలని సూచించారు.

ప్రజల సమస్యలను నేరుగా తెలుసుకుని పరిష్కరించేందుకు తన కార్యాలయం ఎప్పుడూ అందుబాటులో ఉంటుందని బొండా ఉమామహేశ్వరరావు పేర్కొన్నారు. బాధిత కుటుంబాలకు న్యాయం చేయడమే లక్ష్యంగా సంబంధిత శాఖలతో సమన్వయం చేస్తామని తెలిపారు. ఎమ్మెల్యే స్పందనపై బాధిత కుటుంబాలు సంతృప్తి వ్యక్తం చేశాయి.