కృష్ణారెడ్డిపాలెం పాఠశాలలోస్వతంత్ర వేడుకలు

కలిగిరి మండలం కృష్ణారెడ్డిపాలెం గ్రామపంచాయతీ పరిధిలోని మండల ప్రాథమిక పాఠశాలలో 80వ స్వతంత్ర దినోత్సవ వేడుకలను శనివారం ఘనంగా నిర్వహించారు. పాఠశాల ప్రాంగణంలో జాతీయ పతాకాన్ని ఆవిష్కరించి, స్వతంత్ర సమరయోధుల త్యాగాలను స్మరించుకున్నారు. కార్యక్రమంలో గ్రామ పెద్దలు, పాఠశాల ప్రధానోపాధ్యాయులు, ఉపాధ్యాయులు, ఎస్‌ఎంసీ సభ్యులు, విద్యార్థులు పాల్గొని దేశభక్తిని చాటుకున్నారు.

వేడుకల సందర్భంగా విద్యార్థులు ఎంతో ఉత్సాహంగా పాల్గొన్నారు. ఆటపాటలు, దేశభక్తి గీతాలు, సాంస్కృతిక కార్యక్రమాలను నిర్వహించి అందరినీ అలరించారు. చిన్నారుల ప్రదర్శనలు కార్యక్రమానికి ప్రత్యేక ఆకర్షణగా నిలిచాయి. విద్యార్థులు దేశభక్తిని ప్రతిబింబించేలా చేసిన ప్రదర్శనలను గ్రామ పెద్దలు, ఉపాధ్యాయులు అభినందించారు. వివిధ కార్యక్రమాల్లో ప్రతిభ కనబరిచిన విద్యార్థులకు బహుమతులను అందజేశారు.

ఈ కార్యక్రమంలో పాఠశాల ప్రధానోపాధ్యాయులు షేక్ షాహిన, ఉపాధ్యాయులు శాంతకుమారి, ఎస్‌ఎంసీ చైర్మన్ స్రవంతితో పాటు గ్రామ పెద్దలు, విద్యార్థులు పాల్గొన్నారు. విద్యార్థులకు స్వతంత్ర దినోత్సవ శుభాకాంక్షలు తెలిపారు. దేశభక్తి, క్రమశిక్షణ, విద్యపై ప్రత్యేక దృష్టి సారించి ఉన్నత లక్ష్యాలను సాధించాలని సూచించారు. విద్యార్థులు మంచి పౌరులుగా ఎదిగి దేశ అభివృద్ధిలో తమ వంతు పాత్ర పోషించాలని ఆకాంక్షించారు.