మోరేనాలో దారుణం.. భార్య, ఇద్దరు పిల్లలను హత్య చేసి వ్యక్తి ఆత్మహత్య

మధ్యప్రదేశ్‌లోని మోరేనా జిల్లాలో జరిగిన ఘోర ఘటన దేశాన్ని కలచివేసింది. 35 ఏళ్ల బాలరామ్ సింగ్ కుష్వాహా తన భార్య రవితా (32), ఇద్దరు చిన్న కుమారులు (8, 5)ను గొడ్డలితో దారుణంగా హత్య చేసిన అనంతరం ఆత్మహత్యకు పాల్పడ్డాడు. పోలీసులు తెలిపిన వివరాల ప్రకారం, శుక్రవారం రాత్రి కిశన్‌పూర్ గ్రామంలో నిద్రలో ఉన్న భార్యపై మొదట దాడి చేసిన అతను, ఆ తర్వాత పిల్లలపై కూడా హత్యకు పాల్పడ్డాడు. ముగ్గురూ అక్కడికక్కడే మృతి చెందగా, ఘటన అనంతరం అతను సమీపంలోని రైల్వే క్రాసింగ్ వద్ద రైలు కింద పడి ప్రాణాలు తీసుకున్నాడు. కుటుంబ కలహాలే ఈ దారుణానికి కారణమై ఉండొచ్చని పోలీసులు అనుమానిస్తున్నారు. ఈ ఘటనతో గ్రామంలో భయాందోళనలు నెలకొన్నాయి. పోలీసులు కేసు నమోదు చేసి దర్యాప్తు ప్రారంభించారు.