మాజీ మంత్రి అనితా రాధాకృష్ణన్ అరెస్టు.. తమిళనాడులో రాజకీయ చర్చ

తమిళనాడు రాజకీయాల్లో కీలక పరిణామం చోటుచేసుకుంది. ద్రవిడ మున్నేట్ర కళగం పార్టీకి చెందిన ఎమ్మెల్యే, మాజీ మంత్రి అనితా రాధాకృష్ణన్‌ను అధికారులు అరెస్టు చేసినట్లు సమాచారం. ఈ ఘటన రాష్ట్ర రాజకీయ వర్గాల్లో చర్చనీయాంశంగా మారింది. అరెస్టుకు దారితీసిన పరిస్థితులు, కేసుకు సంబంధించిన ఆరోపణలు, దర్యాప్తు వివరాలపై ప్రజలు ఆసక్తిగా గమనిస్తున్నారు. జూన్ నెలలో నిర్వహించిన ఒక ప్రజా కార్యక్రమంలో అనిత రాధాకృష్ణన్ ముఖ్యమంత్రి విజయ్‌ను ఉద్దేశించి వ్యక్తిగతంగా అవమానకరంగా, పరువు నష్టం కలిగించే విధంగా వ్యాఖ్యలు చేశారనే ఆరోపణలపై ఫిర్యాదు నమోదైంది. ఈ ఫిర్యాదు ఆధారంగా పోలీసులు వివిధ చట్టపరమైన సెక్షన్ల కింద కేసు నమోదు చేసి దర్యాప్తు ప్రారంభించారు. విచారణలో భాగంగా ఆయనను పలుమార్లు హాజరు కావాలని కోరినట్లు సమాచారం. అనంతరం ముందస్తు బెయిల్ కోసం ఆయన న్యాయస్థానాన్ని ఆశ్రయించినప్పటికీ ఆశించిన ఉపశమనం మద్రాస్ హైకోర్టు ముందస్తు బెయిల్ పిటిషన్‌ను తిరస్కరించడంతో పోలీసులు వెంటనే చట్టపరమైన చర్యలు ప్రారంభించి అనిత రాధాకృష్ణన్‌ను అదుపులోకి తీసుకున్నారు. అరెస్ట్ అనంతరం ఆయనను వైద్య పరీక్షలకు తరలించి, న్యాయస్థానం ముందు హాజరుపరిచే ప్రక్రియ కొనసాగించినట్లు అధికారులు తెలిపారు. ఈ కేసులో విచారణ ఇంకా కొనసాగుతోందని, అవసరమైన ఆధారాలను సేకరిస్తున్నామని పోలీసులు వెల్లడించారు. లభించలేదు.