లెబనాన్‌కు ఎమిరాటీల ప్రయాణాలకు మళ్లీ అనుమతి

యూఏఈ పౌరులకు లెబనాన్ ప్రయాణాలపై ఉన్న ఆంక్షలు ఎత్తివేయబడ్డాయి. జూన్ 29, 2026 నుంచి ఎమిరాటీలు మళ్లీ లెబనాన్‌కు ప్రయాణించవచ్చని యూఏఈ విదేశాంగ మంత్రిత్వ శాఖ ప్రకటించింది. అయితే ప్రయాణానికి ముందు విదేశాంగ మంత్రిత్వ శాఖకు చెందిన తవాజుదీ సేవలో తప్పనిసరిగా నమోదు చేసుకోవాలని స్పష్టం చేసింది. నమోదు ప్రక్రియ పూర్తికాకపోతే యూఏఈ బయలుదేరే కేంద్రాల నుంచి ప్రయాణానికి అనుమతి ఉండదని అధికారులు తెలిపారు. ఈ నిర్ణయం యూఏఈ–లెబనాన్ సంబంధాల్లో మరో సానుకూల పరిణామంగా భావిస్తున్నారు. ప్రాంతీయ ఉద్రిక్తతల నేపథ్యంలో గతంలో ఎమిరాటీలకు లెబనాన్, ఇరాన్, ఇరాక్ ప్రయాణాలపై ఆంక్షలు విధించబడ్డాయి. ఇప్పుడు పరిస్థితులను సమీక్షించిన తర్వాత లెబనాన్తవాజుదీ సేవ విదేశాల్లో ఉన్న యూఏఈ పౌరులతో అత్యవసర పరిస్థితుల్లో ప్రభుత్వం త్వరగా సంప్రదించేందుకు ఉపయోగపడుతుంది. ప్రయాణికుల వివరాలు ముందుగానే నమోదై ఉంటే, అనుకోని పరిస్థితుల్లో సహాయం అందించడం సులభమవుతుంది. అందుకే లెబనాన్‌కు వెళ్లే ప్రతి ఎమిరాటి పౌరుడు ప్రయాణానికి ముందు ఈ నమోదు పూర్తి చేయాలని విదేశాంగ శాఖ సూచించింది.

లెబనాన్‌కు ప్రయాణ అనుమతి పునరుద్ధరణ పర్యాటకం, కుటుంబ సందర్శనలు, వ్యాపార సంబంధాలు, సామాజిక అనుబంధాల పరంగా ప్రాధాన్యం సంతరించుకుంది. యూఏఈలో పెద్ద సంఖ్యలో లెబనీస్ ప్రవాసులు నివసిస్తుండగా, రెండు దేశాల మధ్య సాంస్కృతిక, ఆర్థిక సంబంధాలు కూడా ఉన్నాయి. ఈ నేపథ్యంలో ప్రయాణాల పునరుద్ధరణ ఇరు దేశాల మధ్య ప్రజల స్థాయి సంబంధాలను మరింత బలోపేతం చేసే అవకాశం ఉంది.

ప్రయాణాలపై ఆంక్షలను సడలించినట్లు తెలుస్తోంది. అయినప్పటికీ పౌరుల భద్రత దృష్ట్యా తవాజుదీ నమోదు నిబంధనను తప్పనిసరిగా కొనసాగిస్తున్నారు.