ప్రభాస్‌కు కేటీఆర్ ఫోన్.. పిల్లల కోరికతో చేసిన కాల్ వైరల్

బీఆర్‌ఎస్ వర్కింగ్ ప్రెసిడెంట్ కేటీఆర్ రాజకీయ నాయకుడిగానే కాకుండా సినీ ప్రముఖులతోనూ సన్నిహిత సంబంధాలు కొనసాగిస్తుంటారు. తాజాగా 'ది అండర్ 18 వరల్డ్' కార్యక్రమంలో పాల్గొన్న ఆయన, చిన్నారులతో సరదాగా ముచ్చటించారు. ఈ సందర్భంగా పిల్లలు హీరో ప్రభాస్‌తో మాట్లాడాలని కోరడంతో కేటీఆర్ వెంటనే ఆయనకు ఫోన్ చేశారు. ఆ అనూహ్య కాల్‌తో పిల్లలు ఆనందంలో మునిగిపోయారు. ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. కేటీఆర్ పిల్లలతో కలిసి నవ్వులు పంచుకుంటూ వారు అడిగిన ప్రశ్నలకు ఆసక్తికరంగా సమాధానాలు ఇచ్చారు. ప్రభాస్‌తో జరిగిన ఈ చిన్న సంభాషణ కార్యక్రమానికి ప్రత్యేక ఆకర్షణగా నిలిచింది. రాజకీయాలకే పరిమితం కాకుండా ఇలాంటి సరదా క్షణాల్లో కూడా కేటీఆర్ పాల్గొనడం నెటిజన్లను ఆకట్టుకుంటోంది. ఈ వీడియోపై అభిమానులు కూడా భారీగా స్పందిస్తూ, ప్రభాస్ సింప్లిసిటీతో పాటు కేటీఆర్ చొరవను ప్రశంసిస్తున్నారు.