కూటమి పార్టీల ముఖ్య నేతలతో సీఎం చంద్రబాబు టెలీ కాన్ఫరెన్స్

స్థానిక సంస్థల ఎన్నికల కౌంటింగ్ నేపథ్యంలో కూటమి పార్టీల ముఖ్య నేతలతో ముఖ్యమంత్రి చంద్రబాబు టెలీకాన్ఫరెన్స్ నిర్వహించారు. ఈ సమావేశంలో మంత్రి నాదెండ్ల మనోహర్, ఆంధ్రప్రదేశ్ బీజేపీ అధ్యక్షుడు మాధవ్ పాల్గొన్నారు.

కౌంటింగ్ సమయంలో తీసుకోవాల్సిన జాగ్రత్తలు, అనుసరించాల్సిన విధానాలపై చంద్రబాబు నేతలకు దిశానిర్దేశం చేశారు. ఎలాంటి అవాంఛనీయ ఘటనలకు తావులేకుండా అప్రమత్తంగా ఉండాలని సూచించారు.

కౌంటింగ్ ప్రక్రియ ప్రశాంతంగా, పారదర్శకంగా జరిగేలా అవసరమైన జాగ్రత్తలు తీసుకోవాలని నేతలకు వివరించారు. ఎన్నికల నిబంధనలను పాటిస్తూ పరిస్థితులను ఎప్పటికప్పుడు పర్యవేక్షించాలని సూచించారు.